АБДУЛАЕВ ЛЕЧА

PDFПечатьE-mail

1679

 

ДегIаста

 

***

Лелашшехь, хIинц-хIинца йолийна бохуш,
Чухьаьжча, бух гуш ю оьмаран кхаба.
Хетарехь, кхабанан бух хилла болуш, –
Кхин бахьна дацар-кх, сел сиха кхачо.

Обновлено 23.09.2019 08:00 | Автор: Administrator 23.09.2019 07:50


 

ЯРАЛИЕВ ЮСУП

PDFПечатьE-mail

jaraliev

 

Дахаран хи

/Кица/

Карош ду кица
Дáхаран хица,
Ца гахь а х1инца
Хин луьста цинцаш.

Юьхь йашош цинцаш
Ца деттарх х1инцца,
Карор ду хица
Хьекъале кица.

Обновлено 19.09.2019 07:26 | Автор: Administrator 19.09.2019 07:22

   

ШАДИЕВ АХЬМАД

PDFПечатьE-mail

schadiev

 

Синан мерзаш

 

Шадиев Ахьмад вина 1995-чу шеран ноябрь беттан I6-чу дийнахь Сунжа-гIалахь (хьалха Слепцовски станци). 

2013-чу шарахь чекхъяьккхина цо Малгобекски кIошттара Керла (Новый) Редант юьртан юккъера школа. Оццу шарахь деша вахара Шедиев Ахьмад ГIалгIайн Пачхьалкхан Урхаллин Университетан Iер-дахаран а, бизнесан а декъашкахь менеджментан факультете. И цо чекхъяьккхина 2017-чу шарахь, «ГIалгIайн Республикехь кегийрхойн политика» темина дипломан болх а язбеш. Болх беш ву аутсорсинган компанехь а, вайнехан культурин, меттан школехь а. Шадиев Ахьмад стихаш язъян волавелла шен I6 шо кхаьчча. ГIалгIайн а, нохчийн а меттанашкахь язйо цо уьш. Цуьнан стихашкахь коьрта теманаш ю вежаралла, доттагIалла, Даймохк. Цо шен байташкахь юх-юха а билгалдоккху нохчий а, гIалгIай а цхьана цIийх, цхьана дех схьабевлла, меттанашца а, культурица а уггаре а гергара ши къам хилар. Бовхачу безамца юьйцу цо шен нана-ГIалгIайчоь, иштта довха дешнаш карадо цунна Нохчийчоьнах а, нохчех а лаьцна ала.
Карарчу хенахь Шадиев Ахьмад дагахь ву гIалгIайн а, нохчийн а меттанашкахь ша язйина стихаш йоккхачу гуларехь цхьаьна арахеца, «Синан мерзаш» аьлла хир ю цу гуларан цIе.
Дала аьтто бойла хьан, Ахьмад, хьайн кхоллараллин новкъахь!

Обновлено 19.09.2019 07:26 | Автор: Administrator 18.09.2019 08:12

   

ГАЙТУКАЕВ АСЛАМБЕК

PDFПечатьE-mail

Деган тΙорказахь гулбелла бахам

/Яралиев Юсупан кхоллараллах дош/

«Хьалхавоьдург тIаьхьавогIучунна тIай ду», – олуш ду вайн халкъалахь а. Массо а заманахь оьшу историга бIаьрг тохар, хилларш-лелларш довзар, ша мила, мичара схьавогIуш ву хаар, ойлаеш а, сема а хилар.

Яханчу хене бIаьрг тоьхча, I957-чу шарера I99I-гIа шо кхаччалц йолу зама вайнехан дахарехь шатайпа, ренессанс ала мегар долуш, мур-зама хетало. Вайн халкъана шайх беркат даьлла нах дуккха бевлира оцу заманахь. Цул хьалха еанчу 30 шо гергга заманахь латтийначу гIелоно, къизалло, харцоно дан аьтто боцуш дитина диканаш кхиамца юхаметтахIотто доьллера вайн халкъ. Халкъ махках даьккхинчу шерашкахь хийрачу махкахь дуьнен тIе ваьллачу Яралиев Юсупан, дуккха а кхечеран санна, «деган тIорказахь дуккха бахам гулбеллера». Дала массеран ца бо аьтто, говзачу, аьхначу, хьекъалечу дашца и «бахам» гучубаккха. Юсуп оцу тIехь Дала дика диначех ву, аьлла хета суна.

Обновлено 17.09.2019 09:27 | Автор: Administrator 17.09.2019 09:20

   

ДЖУНАИДОВ АЮБ

PDFПечатьE-mail

junaidov

Дегнаш чу дижина аз

/студенчески тетрада тIера/

1977 шо. БIаьстенан юьххьехь дара иза. Дуьххьарлера гIа-патар хьалакъеддера. Кестта зазадоккхур ду дитташа, тIаккха, дерриге а дуьненна къажа а къежна, схьахIуттур ю бIаьсте. ХIинцале а ма-ярра бIаьстенан хьожа яра чохь а, арахь а хаалуш: кор-неI диллина Iара гIалара нах. Нохч-ГIалгIайн пачхьалкхан университетан бешахь а денлучу Iаламан шатайпа чам бара. УьйтIахь а, бешахь а долчу гIанташ тIехь студентийн тобанаш совъевллера. Киншканашна а, тетрадашна а тIера шайн цхьацца йозанаш доьшуш я вовшашка дар-дацар деш, хевшина Iара кегийрхой. Йолучу бIаьстенан хазаллех дIаийнера церан къоналла. И шиъ – къоначу студентийн тоба а, йолу бIаьсте а – вовшийн дуьхьа кхоьллича санна, цхьаьнайогIура. Бакъду, аудитореш чохь жигара дIабоьдуш дешаран болх бара: кестта тIекхочуш аьхкенан экзаменийн сесси яра… БIаьстенан аьхналло араийзабора кегийнаш.

Обновлено 16.09.2019 08:36 | Автор: Administrator 16.09.2019 08:30

   

Страница 1 из 32

Яндекс.Метрика