Дийцар

PDFПечатьE-mail

 

Дарвиш вац я юуш, я набъеш,

Iамалъяр бен, вац кхин хIума деш.

 

Эххар цхьа аз кхочу цуьнан лере:

«ХIай воккха стаг, Iамалш ю хьан эрна!

 

Аравалий, дуьне лаха, хIай,

Нах а санна, ваха хьажа хьайн.

 

Хьуна хьакъ бац Iаьршаш тIера безам!

Лаьттан дахарх де хьайн гIуллакх-дезар».

 

 

Ткъа дарвиша кхидIа а наб ца йо,

Яар-малар доцуш, Iамал йо.

 

Цуьнан балхах уллех10 цхьаъ шекволу,

Цу муридо цу дарвише олу:

 

«И хьан Iамалш цу Iорша тIехь та́ц,

Джаннате11 ков хьуна доьллуш дац!»

 

«ХIай сонта лай, ̶  цу дарвийша олу, ̶

Кевне веънарг, и ков тоьхча, волу.

 

ДIакъахкийнчун некъ а сирла бо

Къинхетамах догцадилларо.

 

ХIара дитна, кхин ков дац ас леха,

ХIара боцург некъ а бац дIакхехьа.

 

Тойнах тилча, воьхна хьовзарх хьо,

Делан шуьнах дог ца диллало.

 

СагIадоьхург воьду оцу сохьтта,

Цхьаъ ца деллахь, кхечу кевне хIотта.

 

ДIакъахкийнчун кхаж хилийта сан –

Iамалъярехь вер ву кхин а са.

 

Кхоьллинчуьнга безам бу сан шорта,

Ийман ду сан чIагIо йолу гIортор!»

 

Дуьллуш юха цо суджуде хьаж,

Лере догIу тоххарлера аз:

 

«ГIорза некъ хьайн би ахь доьналлица,

Кхузахь тIеван меттиг бу хьан хIинца». 

Яндекс.Метрика