Безамо йина чов ерзалуш яц

PDFПечатьE-mail

hqdefault 5

ДЖЕБИЕВ Хьусейн

 

Безамо йина чов ерзалуш яц

 

Безамо марзонца

Латийна цIе

Яйначохь ирс хеда,

Дегнаш а ле.

Бодано кхоладо

Массо а де,

ГIайгIанца кхачайо

Буьйсанаш тIе.

 

 

Ша висча, кхолламан

Ойланаш йо,

Сатийсам даханчу

Деношка хьо.

Геналле мел хьийжи

Дайна ирс го,

Сингаттам совбуьйлу,

Дог делхадо.

 

Iаламан хазаллин

Терго ца йо,

Эшарийн аьзнаша

Шовкъе ца во,

Тишделла дахар а

Къага ца ло,

Массо а диканех

Цо хадаво.

 

Велаво, велхаво,

Стигланийн Iаьршашка

Цо кхачаво,

СабIарздой, дийнаха

Тардо цхьа шо,

Цкъа хьостий, дуьненан

Ирс хьоьга ло.

 

Маржа яI, безам, хьан

Ницкъ онда бу,

Ахь хьостуш, догIу де

Ма ирсе ду!

Лакхаллехь хоьтуьйтуш

Латтийна гу,

Лахбина, тетти ахь

Бердаха чу.

 

Добавить комментарий


Защитный код
Обновить

Яндекс.Метрика