Проза

БЕКСУЛТАНОВ Муса. Хьанна, муьлха я мичахь

PDFПечатьE-mail

Обновлено 27.07.2012 08:00 Автор: Administrator 27.07.2012 07:47



Юрт хуьлу, урам а, нана а хьан, лоха цIа а.
ТIаккха дуккха а кегий бераш, кIайн ишкол, хьехархо а.
Юха кхано, цхьа цIеххьана (шо а, шераш а, зама а тилча) набарха самаиккхича санна, хьо дIахьаьжча, – хьан лулара кIайн, лекха йоI, горга даккхийчу Iаьржа бIаьргашца, месаш а Iаьржа, дуткъа горга лаг а, меттабуьххьехь дуу дешнаш, йист кагъелла хьалхара церг а, юткъа озаелла, яхъелча санна, ирзехь цхьалха сериг
санна.......................................................

 

 

ДУМБАДЗЕ Нодар

PDFПечатьE-mail

Обновлено 30.03.2012 12:11 Автор: Administrator 30.03.2012 12:04

                                                      Абаден Iедал
(ТIаьхье. Юьхь еша 2011-чу шеран №11-12, 2012-чу шеран №1 журналашкахь)
                                                               ХVІ


Рамишвили Бачана вина I4 июлехь. И терахь билгалдаьккхира дуьненан ерриге календараша. ХIан-хIа, Бачана вина де хиларна а доцуш, ткъа Бастили а йоьжна, Французийн республика кхоллаяларан де санна.
Ткъа хIинца шена хьалха Iуьллучу календаре, вела а къежаш, дIа а хьоьжуш, Бачана ойлайора…

… I4 июлехь кхоллаеллачу Францис-м ша йина де дезчу хьолехь даздеш ду. Ткъа хьанна девза Бачана вина де? Цхьанна а. ХIаъ, сан дерриге кехаташ долчу кадрийн отделехь а, иштта милицин паспортан декъехь а иза девзаш хила а тарло. Амма хаар – иза дагахьлаттор ду бохург ма дац… Бачана вина де тIаьххьара даздина цуьнан исс шо кхаьчча. Цуьнан школерчу доттагIчо Элбакидзе Вахтанга цунна чIогIа хаза шалела, цIе йойу машен елира. ЭхI, маца дара иза! ХIетахь дуьйна Бачана вина де кхузза бен хьахийна а дац.
 
 

ГАЙТУКАЕВА Бана

PDFПечатьE-mail

Обновлено 30.03.2012 12:00 Автор: Administrator 30.03.2012 11:47

                     

       Дуьне доккха хиларх, лахьта готта хир ду хьуна…


ДIавижа! ДIавижа! ДIавижа. Ас аганан илли эр ду хьуна. ХIора даше, хIора мукъаме ладогIа, ладогIа… ТIаккха оьзда кхуьур ву хьо. ЦIена хир ву хьо дагца. Лекха хир ву хьо сица – бIаьвнаш сана, лекха. Собаре хир ву хьо, лам сана, собаре.
Ас хьо дуьххьара когбаккха Iамор ву, хьан цIена, дуьненан сутараллех хьакхадалаза куьг лаьцна, дуьненна серло, йовхо йоьхуш схьакхетачу малхана дуьхьал дIа аравоккхур ву хьо. Ахь хьайн дуьне кхуллур ду.

 
 

ТУРАЕВА Марем

PDFПечатьE-mail

Обновлено 30.03.2012 12:10 Автор: Administrator 30.03.2012 11:43

                                                       Iаьржа февраль

                                                                                                Доруш-тоьгуш марчо доцуш,
                                                                                                Доккхуш-доькъуш сагIа доцуш,
                                                                                                Охкуш-кечдеш лахьта доцуш,
                                                                                                Синош догуш дайрий шуна?..
                                                                                                Къа лерина маршо езар,
                                                                                                Пхьа лерина Дела везар,
                                                                                                Шира Нашха – нохчийн безам,
                                                                                                ЦIаргахь йогуш яйрий шуна?..
                                                                                                                           А.Бисултанов


Суна ца гина нохчийн къам махках доккхуш. Суна ца хезна нанойн белхарш, дайн аьзнаш: «Ва марша Iайла хьо, тхан Нана-ДегIаста!», – бохуш. Ца хезна берийн маьхьарий. Амма 23-гIа февраль герга мел кхочу, лаамца я лаамза делахь а, дагалецамаша юьгу со I944-чу шеран Iаьнан чилланан дийне.

 
 

ТАПАЛАЕВА Амнат

PDFПечатьE-mail

Обновлено 30.03.2012 11:42 Автор: Administrator 30.03.2012 11:39

                                                            Деза дукъ

Воцчу стагах, нехан бIаьргаш чохь, къамелаца къонах вар а деза дукъ хилла зудчунна.
Кадара богIучу зударех цхьамма, хьан цIийнда хIун лелош ву аьлла хьоьга хаьттича:
– Юучух тоха туьха а кхуьнга доьхуьйтуш, Iуьллуш ву-кх! Кху стага мел дов до цунна! – аьлла, хьалха а иккхина, жоп делира хьан марненан вешийн зудчо Жайнас. ТIаьхIанале кийра паргIатбаккха шега далхийнарг тIехтоха бен карош ца хилла, садайначул тIаьхьа, бисмалла даьккхина, неI къевлича арахь вуьсург.

 
 

Страница 54 из 55

Яндекс.Метрика