Критика

Кусаев Iадиз. Джамалханов Зайндин – 90 шо

PDFПечатьE-mail

Обновлено 20.05.2017 18:50 Автор: Administrator 31.05.2012 09:54

                                                      Нохчийн меттан Iилманчийн тхьамда


Туьйранашкахь а, нохчийн турпалаллин иллешкахь дуьйцуш долу ГIулозан лаьмнаш а, боьранаш а шен дозанашкахь йолчу Теркйистера дукха бевлла къоман сий, яхь, дозалла хилла дIахIиттина, шайх массара тахана доьнналлийн а, гIуллакхаллийн а, хьекъалан а масал оьцуш, халкъан исторехь а, дахарехь а йоврйоцу лар йитина болу гIарабевлла къонахий, Сулейманов Ахьмада ма–аллара, хIара дуьне шайн белшаш тIехь лаьтташ долу кIентий. Тоьар долуш хета, сийлахь воккхачу политологан а, яздархочун а Авторханов Iабдурахьманан, Советски Союзан Турпалхочун, Iамиркан цхьаьнакхеттачу штатийн уггар а езачу «Легион чести» орденан кавалеран Висаитов Мовлидан, инзар похIма долчу яздархочун Мамакаев Iаьрбин, вевзаш хиллачу журналистан Чалаев Билалан, кхечеран цIераш яьхча а. 

 

Минкаилов Эльбрус.Талламхочун а, тешан а бІаьргашца

PDFПечатьE-mail

Обновлено 31.05.2012 06:49 Автор: Administrator 30.05.2012 11:23

Ошаев Халидан а, Муталибов Зайндин а прозехь Сийлахь-боккхачу Даймехкан тІеман темин хьокъехь

 Бинчу некъан исторически хьесап дайтина ца Іаш, хиндолчунна маьІна а доккхуьйту искусство. «Адам а, тІом а» проблема хила а хилла, хилла юьсуш а ю, дуьззина схьаэцча, кхузаманан дуьненахь а, кхузаманан литературин процессехь а уггаре а жоьпаллечух. Сийлахь-боккхачу Даймехкан тІеман шерашкахь литературан а, искусствон а гІуллакххоша, журналисташа шайн меттиг дІалецира Даймохк ларбархойн бІаьхаллин могІарехь. Церан кхолларалло, цхьамзанца нисйинчу, бІаьхой а, тылан къинхьегамхой а ир-кара хІиттабора мостагІчунна дуьхьал дІахьочу сийлахьчу а, нийсонан а тІамна, чІагІбора Толам хирг хиларе болу тешам.

 
 

Минкаилов Эльбрус. "Мамакаев Iаьрбин поэзин строфика"

PDFПечатьE-mail

Обновлено 20.05.2017 18:51 Автор: Administrator 25.05.2012 09:18

Нохчийн  поэзин йозанан истори дIадаханчу бIешеран 20-чу шерашкахь  йолало. Строфа фольклорехь а йолуш ю, масала, турпалалин иллешкахь. Хууш ма хиллара, иллийн строфа могIанийн билггала цхьана могIанех лаьтташ яц, хIунда аьлча, иллешкахь рифма йоцу дела.  Иллеш олучо соцунгIа йо са даIархьама, и соцунгIа пондаран мукъамца юзу. Мелла а кхин хьал гучудолу вайна мехкарийн эшаршкахь – церан строфа даима а бохург санна беа могIанах лаьтташ ю. Беа могIанах лаьтташ ю назманийн строфа а, рифма а аааб а йолуш.

 
 

Минкаилов Эльбрус. "Сел сийлахь «юккъера стаг»"

PDFПечатьE-mail

Обновлено 20.05.2017 18:51 Автор: Administrator 25.05.2012 09:14

(Мамакаев Iаьрбин дахарх а, кхоллараллах а ойланаш)

 

 ХIара могIанаш Мамакаев Iаьрбин дахаран а, кхоллараллин а  некъ леррина таллархьама яздина дац ас. Сан Iалашо – цуьнан кхоллараллах, дахарх сайна герга дерг а, мехала  хетарг а къастор ю.

 
 

Минкаилов Эльбрус. "Сий делахь, Латта!"

PDFПечатьE-mail

Обновлено 20.05.2017 18:51 Автор: Administrator 25.05.2012 09:10

(Нохчийн литературехь Сийлахь-Боккхачу тIеман теманах)

 

 Сийлахь-Боккха Даймехкан тIом. ТIеман исторехь иза къаьсташ бу кхузткъа миллион сов адамийн дахар дIадаьхьна, шех тераниг хилла боцуш, дийнна хIорд хиллал цIий Iанийна тIом санна. Хийла ярташ, гIаланаш ягийна, хIаллакйина оцу тIеман шерашкахь, хьесап дина ца валлал дукха адамийн кхолламаш бохийна. Оцу тIеман бохамех лаьцна дуьненан массо а яздархочо яздинарг шен чот ялур доцуш ду. Тахана а яздо цунах лаьцна, хIокхул тIаьхьа а яздийр ду, хIунда аьлча и тайпа хилларг шен иэрчаллица, къизаллица ша ма-дарра гайта деза, юха ишттаниг ца хилийта тIаьхьарчу тIаьхьенашна тIе а дуьллуш. ГIиргIазойн яздархочо Айтматов Чингиза аьлла: «ДIадаханчух иэс дицдина стаг, нагахь санна иза кху дуьненахь шен меттиг къасторна тIе юха а хIоттавахь, шен халкъан исторера зеделларг хууш ца хиларна, кхечаьрга терра кхиар доцуш, таханлерчу денца бен ваха йиш йоцуш вуьсу».

 
 

Страница 2 из 5

Яндекс.Метрика