Наши публикации

Йоврйоцу цIе

PDFПечатьE-mail

Обновлено 11.03.2019 06:49 Автор: Administrator 11.03.2019 06:44

1-foto w1200 h800

Ковраев ШапаI

Дагалецамаш

 

Йоврйоцу цIе

 

Л.Н. Толстойн цIарах Нохч-ГIалгIайн пачхьалкхан хиллачу университетехь, филологин факультетехь суо доьшуш волчу (I977-I982-чуй) шерашкахь суна дуьххьара вевзина Ахмадов Муса. Иза а вара, со санна, филологин факультетехь доьшуш.

Студенташна юккъехь цхьа ша-тайпа къаьсташ студент вара Муса, дахаре шен билггал хьежам хиларца а, шен накъосташца а, хьехархошца а лераме, гIиллакхе хиларца а. Массо хенахь сиха а вара. Дукха дара цуьнан гIуллакхаш…

Исбаьхьаллин литературехь хьалхара гIулчаш йохучу вайнехан кегийрхошна лерина Нохч-ГIалгIайн пачхьалкхан университетехь болх беш яра «Пхьармат» цIе йолу литераторийн цхьаьнакхетаралла.

Цуьнан дуьххьарлера куьйгалхо вара оцу шерашкахь а нохчийн къоман литература дика евзаш а, нохчийн мотт кIорггера хууш а, хIуманан башха хьесап дан хууш а волу къона поэт Ахмадов Муса.

Цунна а, цуьнан накъосташна а хьалха лаьттара даккхий жоьпаллийн декхарш.

 

Хиллачу оьздаллин дисна цхьа ӀиндагӀ...

PDFПечатьE-mail

Обновлено 28.02.2019 09:16 Автор: Administrator 28.02.2019 09:15

23 февраль

АХМАДОВ МУСА

 

***

Хиллачу оьздаллин дисна цхьа ӀиндагӀ,

Хиллачу кураллин дисна цхьа ӀиндагӀ,

Дерриге дахана кӀоргачу Ӏинах,

Цхьа синош схьахӀуьтту, цкъа кхузахь Ӏийнарш.

 
 

Алиева Заринин цхьаьнакхетар

PDFПечатьE-mail

Обновлено 28.02.2019 09:15 Автор: Administrator 28.02.2019 09:13

IMG-20190221-WA0040

Февраль беттан 21-чу дийнахь «Орга» журналан коьртачу редакторан Алиева Заринин цхьаьнакхетар хилира НР Правительствон председателан заместитель, финансийн министр волчу Тагаев Султанаца. Цхьаьнакхетарехь къамел хилира нохчийн маттах, литературах, цара юкъаралла, къам кхетош-кхиорехь лелочу маьӀнах, мотт боцуш къам хила йиш цахиларх а. Султана дийцарехь, цунна гуттаренна а дагахь дисина Нохчийн Республикин хьалхарчу Президента Кадыров Ахьмад-Хьаьжас аьлла дешнаш: «Нохчийн маттахь къамел дарх ца тоьа, нохчийн маттахь ойла еш хила веза бакъволу нохчи». Оцу дерригенах а дика кхеташ волчу министран белхан стоьла тӀехь А. Айдамировн «Еха буьйсанаш» яра, хьалхо хилла къамел тӀечӀагӀдеш.

 
 

Ирча Iуьйре

PDFПечатьE-mail

Обновлено 26.02.2019 10:05 Автор: Administrator 26.02.2019 10:04

193191-INNERRESIZED600-600-1

БЕКСУЛТАНОВ Муса

 

Ирча Iуьйре

 

Воккха стаг Къаьхьир, туька ларъеш, хехь вара, цу балхана динчу жимачу цIалга1 чохь буьйсанаш йохуш.

ЦIалг туькана уллохь дара, геннара гуш, котамийн куьрк2 санна, жима а хиэташ, мелла а букар ца таьIча, дегI ма-дду хьаланисвала аьтто а боцуш: Къаьхьир ша лекха стаг а вара, ши метар гергга гIоьрташ.

Аьчкан пеш а лаьттара чохь, хих дуьзна ведар а дара, наштаран тас а долуш; вижа-гIатта аннех йина цхьа готто терхи а гуора.

 
 

Гена мел даьхнариг

PDFПечатьE-mail

Обновлено 26.02.2019 10:04 Автор: Administrator 26.02.2019 10:02

Шахабов

ШАХАБОВ САЙД-СЕЛИМ

 

Вина 1989-чу шарахь Хьалха-МартантIехь. 
Карарчу хенахь циггахь вехаш ву. 
2010-чу шарахь дуьйна байташ язъеш ву.


***

Гена мел даьхнариг герга а догIуш,

Гергахь мел сецийнарг чIир кхобуш ду.

Зама а, дахар а зиэделла бохуш,

Тешаш мел лелларг а бехк кхобуш ву.

Дагах а дихкина, сел хьоме лоруш,

Лардинарг бекхамца дог дууш ду.

Куьг тесна дитинчо, ког тосий, вожош,

ГIалато гIалатех чIир оьцуш ю.

 

 
 

Страница 9 из 127

Яндекс.Метрика