Дено-денца даг тIе язлуш

Печать

Нравится

karma 0

АЛИЕВ ГӀапур

 

***

Дено-денца даг тIе язлуш,

ГIайгIано со хьийзаво.

Ерриге марзонаш хедош,

Яхна зама кхаьрдаш го.

 

 

Тоххарехьа, кхин ца Iехош,

Сатийсамаш севцина.

Дерриге а деккъа оьхьуш,

Шерийн кхетам базбелла.

 

Бен а доцург бен а доцуш

Iаддадита Iемина,

Дог ду сецна, кхин ца хьоьгуш

Хьега луъчух, ша дисна.

 

Суна гина хаза гIенаш

ГIенаш хилла дIадайна.

Ас ладегIна зевне эшарш,

Къар а елла, севцина.

 

Иза-м мацца хир ду бохуш,

Ас мацненна дитина,

Эццахь хилла ирсан дакъош

Мацне йоцуш дисина.

 

КIирвелла, мел юхахьежарх,

Хилларш, ца гуш, дIадайна.

Дахаре сан хилла хеттарш

Жоьпаш доцуш дисина.

http://www.orga-journal.ru/