Обновлено 25.04.2019 12:21 Автор: Administrator 25.04.2019 12:18

АБДУЛАЕВ ЛЕЧА

Ас жайна яздина…

Ас жайна яздина,

схьагарехь, бовш болчу маттахь.

Цхьайолу шеконаш, цхьадика! –

хье а лой йог1у.

Ас жайна яздина,

схьагарехь, леш болчу маттахь,

и гуттар хирг хиларх

шеквала дага ца дог1уш.

Ас жайна яздина.

Цхьа пайда боцуш довр дац и:

Чуьрк къахко дика ду,

вохвеллехь, хир ду мох тоха.

Луъург де цу жайнах.

ца йичахьана цхьа харцо:

Мел оьг1азваханчо

сан жайна, «герз» дай, ма тоха.

Ас дина йозанаш, –

шаьш дарна бовш болчу маттахь! –

Къинт1ерадовла там бу суна,

цхьа хьесап дина:

Ас жайна яздарца, –

яздинехь а леш болчу маттахь! –

Сайн ненан маттана, дош дижа,

Маьлхан каш дитна.